香港小姐2020│落選佳麗陳煦凝自爆情緒崩潰 心中冠軍另有其人

撰文:
最後更新日期:

陳煦凝打入今屆港姐最後十強。(林迅景攝)

但凡比賽總係有人歡喜有人愁,因為冠軍只得一個。《2020香港小姐競選決賽》已經圓滿結束,落選佳麗陳煦凝(Amber)未有獲得任何獎項,自言參選係「絕對係極速成長的一課」,佢亦透露自己心目中冠軍並唔係謝嘉怡 !

左起:陳楨怡亞軍、冠軍謝嘉怡、季軍郭柏妍。(梁碧玲攝)

陳煦凝喺IG留言話:「今次參選港姐的旅程絕對係極速成長的一課,我諗亦都係我人生中感受到最大壓力的日子。因為知道自己好多不足,情緒崩潰到幾乎每日都喊,全身又水腫又生暗瘡,不過好彩有朋友喺我身邊…縱使我琴晚表現真係不如理想,但係我都好感受(恩)踏上咗呢個旅程。」

陳煦凝貼出多張佳麗間合照。(IG:@amberchann46)

佢又貼出多張佳麗們合照,相片中未見冠軍謝嘉怡,陳煦凝表示心目中冠軍另有其人:「同roxanne(何孟珊)係後期先熟,外表雖然好高冷,但係佢其實係一個好真性情嘅人,知道我水腫好唔開心嘅時候,佢帶我去休息室幫我按摩咗半個鐘,又不斷講說話去安慰我﹛其實我真係好感動。而且佢各方面都好好,談吐同才藝都特別欣賞佢,你其實真係我心目中的冠軍﹗」

何孟珊入選最後5強。(葉志明攝)

+12
+12
+12


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。