陳敏之一拖四做全民檢測：入到去好舒服，因為冷氣好夠

政府普及社區檢測計劃於9月1日正式開展，不少藝人紛紛登記以示支持，包括汪明荃、曹永廉及莊思明等。而身為曹永廉好友嘅陳敏之日前亦去到將軍澳體育館進行檢測，同行嘅仲有媽媽、囝囝雷子樂、兩位工人姐姐，就連娛樂新聞台都特意去採訪。

陳敏之表示自己十分蛇𠺌，所以開頭都十分擔心「撩鼻」會感到不適，但最後只有少許痕癢感覺。「其實係非常之順利同快，裡面亦都好衛生。我喺尋日登記，今日就可以嚟檢測，入去之前量體溫、消毒隻手，入到去好舒服，因為冷氣好夠，同埋我見周圍都好乾淨。」　她又指帶同家人、工人姐姐是想買個安心。另外，陳敏之又透露囝囝將於月底重返校園，所以校服、鞋都要重新準備，並笑返忙過拍劇。