陳豪為陳茵媺特製專屬調豆咖啡 放閃示愛：She is my Queen！
撰文：洪曉璇
出版：更新：
陳豪係圈中有名嘅咖啡狂熱分子，圖為出席2018年香港美酒佳餚巡禮。（資料圖片 / 吳鍾坤攝）
在早前熱播劇集《殺手》槍法如神嘅陳豪，曾經喺戲中講過飲咖啡反映高尚生活品味，佢喺商界同樣懂得瞄準目標，佢所創立嘅咖啡品牌Blooms Coffee在咖啡行業勢如破竹，最近更獲大型品牌邀請，到在尖沙咀北京道 1 號高層設立首個精品咖啡專櫃，望住270度無敵海景享受咖啡，陳豪都表示係人生一大樂事。
陳豪受邀設立咖啡店專櫃。
身為「愛妻號」嘅陳豪原來有為太太陳茵媺特製「專屬調豆咖啡」：「哈哈哈，Aimee！She is my Queen！我當然會為她特製專屬調豆咖啡，可以告訴給大家知，她的咖啡一定是世上獨一無二的！」
陳豪係出名嘅愛妻號，婚後都會安排同太太陳茵媺2人世界。（IG：aimeechan_official）