鬼同妳上位｜繼「哈RE哈RE HOME」咒語後　七仙羽鬼屋跳中國舞

昨晚播出一集嘅ViuTV探靈節目《鬼同妳上位》，繼續挑戰6位參賽者嘅膽量，主持人火火透過畫鬼腳方式，要6人分別喺屋鬼執行任務--鏡照周圍、吹口哨、聽佛經、睇鬼片、幫鬼撥扇。臨出發前，火火叫七仙羽師傅教大家唸咒語用作溝通，師傅一句「哈RE哈RE HOME」都唔知真定假，但節目效果十足，有觀眾表示完全可以當笑片睇，亦有觀眾問到底呢句咒語同「媽呢媽呢空」有咩分別。

其實自從節目開播後，喺網上討論度最高嘅並唔係一班參賽者，而係七仙羽師傅，大部份都認為師傅講嘢非常mean，而今晚一集，七仙羽師傅竟然準備咗娛賓節目——跳中國舞！而且仲要換埋戲服，真係不得了。師傅解釋係因為鬼比較喜歡粵曲，仲話「佢哋好鍾意睇，叫我再跳，我一話唔好，佢哋用粗口鬧我。預告播出之後，再次引起觀眾熱烈討論，仲留言表示「其實呢個節目用嚟比七師傅上位」，仲有留言表示「依套野最後其實只得七師父上到位」。