【專訪】戴祖儀出道壓力過大 深夜呼吸不能:想喊但又喊唔出

撰文:賴家杰
出版:更新:
Joey憑一對長腿俘虜不少宅男。(葉志明攝)

藝人戴祖儀(Joey)出道短短兩年,憑著天真開朗性格,以及劇集《多功能老婆》中飾演呂嘉怡在泳池Show長腿的一幕成功令她走紅。在幕前Joey的表現一直是大家的開心果,經常帶歡樂給大家,可是背後原來藏著很多的壓力與不安。

Joey係一個開心果,所以平時有負能量都唔鍾意同朋友分享。(葉志明攝)

早前Joey接受《香港01》訪問時候大爆出道時候遇上壓力,試過睡覺時候呼吸不了,她說:「我係一個好開心嘅人,喺幕前見到我笑蝦蝦,但又點會諗到我返屋企我可能好靜,甚至愁眉苦臉,每個人冇可能24小時都咁正能量,咁我返屋企我會靜落嚟,唔出聲,用咁樣嘅方法抒發壓力,加上我個人比較男仔頭,係流血不流淚嘅人,所以冇點同人講。一年前左右我每個月有一兩日去到夜晚好唔開心,唔開心到抖唔到氣,想嘔啦,想喊但又喊唔出,窒息感好重,個腦係咁諗負面嘢,我有諗過搵心理醫生。」

Joey通常會過濾了壓力才會見朋友,不想朋友知道她不開心。(葉志明攝)

當時Joey還以為這些症狀是出現哮喘,不過上網搜尋過後便得知是壓力積聚到一個臨界點,就會產生這些身理反應,而這些壓力來源是剛出道時候不懂處理很多問題,最後她亦沒有選擇去看心理醫生,她說:「啱啱出道,未試過一出歌就有好多負面留言,好多前輩話唔好睇咁多啦,啲人係會搵妳抒發途徑。其實呢啲好理性意見係好,奈何心情總會受到影響,當好多類似事情發生又唔識處理,我又唔鍾意同人講我有咩壓力,所以個段時間就有呢個情況出現。依家識得去要調節,知道要搵地方解壓,而我解壓方法係睇藝術品、煲劇、打藍球,慢慢就好轉啦,依家暫時冇事。」

點擊睇Joey更多靚相!

+19