陳安立小時候係「移動燈柱」 變大隻全靠紀律：每日做2小時運動
撰文：陳芷穎
出版：更新：
蔡思貝（Sisley）和陳安立（Brian）今日（29/10）現身旺角出席運動眼鏡品牌宣傳活動，熱愛運動的Brian擁有一身結實的肌肉，大隻靚仔的他自爆小時候非常瘦弱：「由細到大係瘦底，瘦到碌竹咁，中學嘅時候長高到而家咁（6呎1吋），但體重輕而家40磅，真係一支移動燈柱。嗰時好冇自信，我鍾意打籃球，但太輕成日俾人撞跌，教練都問我係咪紙版做，入行慢慢做Gym增返磅。」
蔡思貝和陳安立現身旺角出席運動眼鏡品牌宣傳活動。（陳順禎攝）
Brian由「燈柱」變大隻仔全靠一個字「Discipline」（紀律），他每日都會抽1至2小時踩單車或跑步：「無論邊一種運動方法都要持之以恆，20下掌上握好少，但每日都做，一個月、兩個月，三個月就好有效。我有一段時間負重訓練就會大隻咗，而家成日踩單車就瘦咗。每日會踩單車、跑步，都會喺屋企做Workout Keep返個身形，每日會抽1至2小時做運動。（飲食有冇戒口？）我照食，打邊爐會照食但會限制份量，唔會暴飲暴食。有時喺屋企會食清啲，烚雞肉呀烚菜。」
點撃睇更多Brian照片：
+2