【白色強人II】唐詩詠不想與馬國明有感情線：佢成日都婆婆媽媽
撰文：賴家杰
出版：更新：
唐詩詠覺得今次故事好寫實。（葉志明攝）
《白色強人2》即將開拍，唐詩詠承接上一集飾演的角色，詩詠透露到現時還沒有勇氣去看劇本：「我不停問人睇咗未，去到講我個Part呢，講講下就想喊同眼紅，所以我大概知發生咩事，但唔夠膽睇。」
唐詩詠期待與陳豪和胡定欣有對手戲。（葉志明攝）
這次劇中有不少新角色加入，如陳豪和胡定欣等，而詩詠的感情線依然是與馬國明糾纏，她原以為會有新感情線：「我知陳豪嚟我劇入面急症室做嘢，我就會覺得係咪有靚仔畀我，因為通常睇美劇會同個同事產生感情，我期待呢件事發生。」言下之意詩詠是厭棄馬明「唔夠靚仔」，「係呀，同埋佢成日都婆婆媽媽，唔要佢。」
說到她主演的另一部劇集《超能使者》，最近劇中造型曝光，網民紛紛表示詩詠的角色極似Marvel中的緋紅女巫，她解釋：「同Marvel係有啲似，不過我哋呢個係地踎版，我透露少少係用漫畫式呈現，但只不過係深水埗街坊突然有超能力，唔會好似Marvel咁拯救世界，講小人物突然有超能力會點呢。」