滕麗名同劉丹當年都係《真情》主要演員，呢日《愛·回家 之開心速遞》宣傳活動，對於即將打破自己當年集數紀錄，都表示既興奮又感動。

丹爺讚滕麗名咁多年都無咩變一樣咁靚，不過阿滕就真係要保重小心，事關年初滑雪跌斷腳後，上星期拍攝時居然又喺椅上跌落地：「唉我係個容易受傷的女人，骨格精奇好得好快，其實係提醒我夠鐘減肥啦！」丹爺就笑言：「無嘢嘅好似俗語咁話，跌跌下就大㗎啦哈哈哈。」