謝嘉怡自爆喺蘇格蘭勁多車 知講錯嘢急改口:我兩年換一次車
撰文:賴家杰
出版:更新:
《萬千星輝賀台慶》於本月19日舉行,一眾藝人積極採排,為令當天能表演完美。謝嘉怡(Lisa)當天會表演唱歌,對於不用跳舞,她笑言相對輕鬆一點:「依家開始學緊,但其實我都唔係好知唱乜,但唔擔心有難度,我都寫緊拼音出嚟,咁每次都會令我學中文更加好,依家都背緊。」
另外今天(11日)Lisa首次出席商場活動,她是很開心能賺錢,不過第一次出席商場活動,身邊沒有陳楨怡與郭柏妍在身邊是有點緊張,她說:「今朝好好玩,但有少少緊張,因為平時佢哋都會喺隔離,會提我啲嘢。」
談到金錢,Lisa爆自己平常不怎麼購物,她喜歡將金錢用作儲蓄,花費方面多數也是用來吃。Lisa直言人生中花最多金錢就是在蘇格蘭生活時買車:「我已經唔係好記得買車買咗幾錢,但我揸車揸咗好多年。」她更不小心口快快說:「我有好多車,唔係,唔係,我兩年換一次車。」