男排女將︱Alton@MIRROR竟膽敢公然調戲鄧麗欣:家瑜我又要!

撰文:陳芷穎
出版:更新:

ViuTV劇集《男排女將》將於下周一(23/11)播出並於今日(19/11)在修頓場館舉行記者會,一眾演員包括鄧麗欣(Stephy)、顧定軒(Zeno),MIRROR成員陳卓賢(Ian)、盧瀚霆(Anson Lo)、柳應廷(Jer)、呂爵安(Edan)、邱傲然(Tiger)、李駿傑(Jeremy),王智德(Alton)均有出席活動,他們還與甲一排球隊「力臻」上演一場激烈的友誼賽,吸引過百名粉絲到場支持,現場氣氛高漲尖叫聲連連。

ViuTV劇集《男排女將》將於下周一(23/11)播出並於今日(19/11)在修頓場館舉行記者會。(梁碧玲攝)

重提拍攝時的點滴,Jeremy指最辛苦是打排球,全因每一球都要打5至6次:「一球打成5、6次,Wide Shot近Shot要不停咁打,辛苦但好玩。」他更大爆Edan是「NG王」,阿Jer有為Edan作出澄清:「佢要好高難度咁打波,平時我哋用手,佢係用特別部位打。」Edan再解釋:「有啲場口我要用頭去撞個波,就比較難,我用手打在行啲。」

他們初次與Stephy合作,Alton竟然膽敢調戲前輩:「其實係事實,好多機會坐喺Stephy隔離,有一幕要拍男女劇情,大家要熱下身,我哋就即刻話『嚟呀!熱下身,家瑜我又要(Stephy劇名)』,Stephy好玩得,大家覺得我哋好大膽。」

他們為阿Jer慶祝生日。(梁碧玲攝)

《全民造星III》正在熱播,不少參賽者經常在鏡頭前流淚,身為過來人的Anson Lo說全因參賽者太投入:「觀眾會覺得點解咁誇,但再諗返嗰時好投入,大家好Friend就好易喊。」Edan認為參賽者絕對是真情流露:「好難喺鏡頭面前喊,一喊就堅。」Alton就搞笑指:「鏡頭面前唔好亂咁喊,好大鑊。」

+13