TVB熱播台慶劇《踩過界2》呢日喺電視城內舉行宣傳活動。女主角張曦雯（kelly）飾演大律師Eva，為求贏官司不擇手段，佢接受《香港01》訪問時就話：「演嘅時候我無諗佢奸唔奸，如果大家睇完會鬧我會好開心，即係演得成功啦！」

Kelly話自己一直演正氣角色，好想挑戰反派，不過就更想同心中男神合作：「我上載細個相片去IG時自己都唔覺，之後愈來愈多留言話我似吳彥祖，睇睇下有啲角度又真係幾似哈哈。似佢好開心呀佢係我男神，如果遲啲佢開戲搵人演親戚可以搵我呀。」

張曦雯童年照片曝光力證由細靚到大　網友：好像女版吳彥祖