雨僑坐月用廿斤薑洗手 驚嘆:佢哋係去釣石崇魚嚟煲湯俾我

撰文:洪曉璇
出版:更新:
雨僑於8月誕下6磅重女女。(雨僑IG圖片)

今年8月雨僑同羅力威嘅囡囡終於出世,佢地並無請工人同陪月,靠自己同家人一手一腳湊B兼坐月。傳統智慧話坐月坐得好,生產前嘅病痛都可以根治,雨僑呢日分享「長洲人誇張坐月大法」,原來佢全靠一個住長洲嘅伯娘幫手坐月:「長洲天字第1號湊仔高手,呢1個月我完全冇掂過生水,伯娘劈咗20斤薑總共沖咗3次涼,自己拍薑沖涼效果真係唔同啲。」

雨僑話感謝老公同伯娘照顧坐好月。(IG:@avabibu)

坐月期間唔可以掂生水如果唔係會入風,但一個月唔沖涼唔洗水真係聽到都痕,雨僑伯娘幫佢準備好:「呢一個月我完全無掂過生水,伯娘劈咗二十斤薑總共沖咗三次涼,簡直掃咗菜檔個場,再大樽小樽用嚟洗手洗面。自己拍薑沖涼效果真係唔同啲,不過真係太辛苦屋企人了,後期就改用浸浴包。我亦都無飲過清水,我有自己準備嘅月子廿八方同炒米茶,伯娘都嫌唔夠,仲要加埋佢喺特定年份月份買嘅果皮,再喺長洲曬咗唔知幾多年,真係聽到都覺得複雜。」

雨僑坐月期間淨係洗手已經用咗廿斤薑。(IG:@avabibu)

另外食療方面就更加重要,最珍貴唔係貴價補品,而係雨僑親友出心出力,買唔到就自己去釣﹗「對傷口又好上奶又好首推石崇魚湯大家都知啦,但係街市好難買到石崇魚,所以佢哋索性去釣?係呀我都聽到黑人問號,不過喺長洲魚真係最不缺,總之最後佢哋係去釣石崇魚嚟煲湯俾我,釣剩啲蝦仲要炒埋蛋俾我老公食,你幻唔幻想到成班鄉親父老喺道釣魚搣蝦再拎出嚟香港俾我?佢仲爭啲叫埋大嶼山班friend曬啲防風草俾我,可惜唔啱季節呀... 因為有呢班好crazy嘅長洲人,我坐月嘅日子係可以好好調理,好在無拎兩隻生雞上嚟養,唔係真係嚇到我吃手手」

雨飾話班親戚幫佢去長洲釣石崇魚煲湯。(雨僑Facebook)
+16
你可能感興趣