中華才藝小姐出爐 齊到化妝學校變靚啲！
撰文：郭敏玲
出版：更新：
2016年中華才藝小姐最後10強已經出爐，不過記住唔好搞錯，此中華小姐不同彼中華小姐，這個選美比賽雖然缺少大台支援，但相信各個佳麗都會靠個人實力，踏入演藝之路，甚至衝出香港！10強誕生，其中九位佳麗第一時間就去尖沙咀的化妝學校學化妝，變靚啲。
一班候選佳麗，大家點睇？（黃國立攝）
剛巧4號的鄭綺堎今日生日，大會為她準備生日蛋糕，本來是奧數導師的她，為了實現夢想，參加這個比賽，「我希望有呢個身分，等大家覺得我係美貌與智慧並重，一直以來我都好想做演員，希望借機會發揮所長。」接下來決賽表演，鄭綺堎將會表演chair dance，「自己唔識跳舞，呢個舞步相對簡單，希望大家有耳目一新嘅感覺。」屆時鄭綺堎仲會有少少性感。
一眾中華才藝小姐佳麗齊齊學化妝。（黃國立攝）
另外，15號湯詠恩原來之前做過特約演員，拍過兩個100毛廣告，曾與古天樂及容祖兒同場。湯詠恩表示參加比賽最想就係做演員，跟不同前輩合作，「最想同古天樂再合作，因為佢除咗有型，我感受到佢對演戲嗰份堅持。依家過往做特約演員，未有做過主角，希望將來我會有真正嘅角色做下。」
4號鄭綺堎（紅裙）今日生日，佢覺得同佳麗一齊慶祝特別有意義。（黃國立攝）
15號湯詠恩之前有過演出經驗，佢對演戲嗰團火，無熄過！（黃國立攝）