Joey神秘現身賀伯樂 Apple︰好難發掘第二個祖兒

撰文:
最後更新日期:

當年由Big Echo老闆娘一手提拔的容祖兒,驚喜現身為開幕禮剪綵。(張浩恩攝)

提起Big Echo,除了聯想到唱K,少不免想起樂壇天后容祖兒(Joey)。當年在歌唱比賽中毫不起眼的祖兒,全靠Big Echo老闆娘劉麗萍(Apple姐)一手發掘,才有今天的成就。所以Big Echo i-Box今日在旺角重新開幕,祖兒特別抽空以神秘嘉賓身分登場剪綵,為其伯樂Apple姐送上驚喜。本來以為祖兒身在外地工作的Apple姐,一見到祖兒即難掩興奮,與對方擁抱。

對於祖兒神秘現身,Apple姐感到非常驚喜:「冇諗過她會嚟,因為Mani同祖兒都話自己唔喺香港,祖兒仲話咁我拍片賀你啦,點知咁鬼馬。」並謂祖兒以往都會為Big Echo分店剪綵。

久未相見的容祖兒與Apple姐把握機會聚舊。(張浩恩攝)

Big Echo於2003年沙士一疫後全線結業,相隔13年捲土重來,開設具備Band房及錄音室的K房,Apple姐透露今次的投資接近千萬港元:「其實我有呢個概念已經3、4年,但要睇時機同搵到合適嘅拍檔。以前同日本人合作,好多野都係自己做,今次就係香港拍檔,他們好有做生意經驗,相信可以合力搞好。」她更自爆正物色新舖位,為開分店做準備。

當年在比賽中發掘容祖兒的Apple姐,表示未來會繼續舉行比賽:「年輕人要有夢想同目標先會努力,想搞比賽畀他們發揮,但都幾難發掘第二個祖兒,因為她喺我心目中係第一位。」

曾是卡啦OK界龍頭的Big Echo今日重新開幕,邀得白健恩、方伊琪、黃夏蕙等出席活動。(張浩恩攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。