陸浩明受疫情影響　十年來首次唔使做除夕商演：好好畀自己休息下

陸浩明（6號）今日（31/12）為無綫（TVB）飲食節目《煮場爭霸》擔任試食嘉賓。主持飲食節目多年的他接受《香港01》訪問時，坦言不一定是貴就代表好吃：「講你都講估唔到原來係咁好食，有一次肥媽煮麵包皮，你知有啲人唔鍾意食皮，而肥媽就用嚟炸再沾蛋醬食，好鬼死好味，呢啲唔值錢嘢嚟。」

6號表示吃過最貴的是一些很難捕捉的魚，直言要5-6位數字，慶幸是做飲食節目能吃到。（葉志明攝）

2020年來到最後一天，他表示以往做藝人一定很忙，大多在商演活動度過，但今年是6號近十年來首次不用做商演活動倒數：「今年第一年過唔係工作嘅除夕，但都OK嘅，因為可以陪屋企人，好好畀自己休息下，因為1月開始好多工作要做，咁希望大家都過一個健康又平安嘅除夕夜。」

回顧2020年，6號笑言好像什麼都沒有做：「呢一年好似冇點過到，好似好多事都停咗，但最難忘真係冇出過Trip，因為真係度咗好多節目，又鍾意去旅行，所以出年盼望快啲疫苗推出，疫情過去，希望回復到正常。」

+16