Big Four合體亮相 許志安：明年推新專輯跟4隊樂隊合作
撰文：張浩恩
出版：更新：
許志安、蘇永康、梁漢文及張衞健今日到電視城為《我愛香港》錄影，Big Four似乎已經很久沒有合體亮相，安仔亦笑言四人各有各忙，很難得抽到時間同場工作。正籌備明年一月推出新碟《18安事》的安仔，透露今次分別與4隊樂隊合作，喚起他心中團火：「佢哋畀咗好多力量同火我，佢哋做歌係好有團結的心。今次我設計畀佢哋係寫咩都得，可能佢哋想透過我把聲講自己想法，所以冇寫情歌，而係寫咗一啲開心、充滿正能量嘅歌，甚至係警世，叫大家去珍惜一啲嘢。」
久未合體亮相的Big Four，今日一同現身錄影節目。（符祥定攝）
他又透露新碟名稱由RubberBand主音6號（繆浩昌）所改：「今次同4隊band合作有17個人，加埋我就18個，而個名有雙重意思，安事代表安仔嘅事。」今次專輯交由樂隊創作，但安仔堅拒與他們合唱：「我覺得做唱片要有想法同rules，同埋想唱片band sound感覺重啲，如果合唱就會好怪。」
許志安將於明年一月推出全新專輯。（符祥定攝）