王浩信角逐《勁歌》最受歡迎男歌手　盤點經典合唱歌總有一首聽過

出爐視帝王浩信，再次憑文申俠呢個角色於《萬千星輝頒獎典禮2020》奪得最佳男主角，近年佢演出多套劇集都令人印象深刻，但其實大家又記唔記得，佢2005年係以歌手身份入行。當年Neway Star旗下，約滿後加入無綫（TVB）轉型做演員，2008年拍攝第一套電視劇《野蠻奶奶大戰戈師奶》。

勁歌金曲頒獎禮︱首度入圍最受歡迎男歌星　王浩信惡鬥胡鴻鈞？

雖然當年只推出2隻個人大碟，但都有幾首歌曲為人熟悉，特別係合唱歌﹗好似首張大碟中，同梁晴晴合唱嘅《愛與被愛》，一直係K場熱播之選；另外同方皓玟《拖字闕》更係唔少歌唱比賽熱門歌。至近年喺TVB唱嘅劇集歌之中，同菊梓喬嘅《欲言而止》，官方MV喺Youtube播放次數達729萬次！喺當年《勁歌金曲頒獎典禮》中奪得合唱歌曲獎，傳唱度十分高。