馬浚偉投資7位數搞教育中心　享受大忙人生活：非常之happy

藝人馬浚偉的教育中心今天（19日）舉行開幕典禮，在疫情之下還有這個舉動，馬仔說：「其實疫情已經係尾聲啦，不過我哋係疫苗上要睇政府點安排，所以我哋依家招生最快都要4月先開課，如果4月疫情嚴峻咁咪7月先開課，彈性好大，其實我冇太大擔心，所以要做足準備。」

馬仔做教育事業已經有8年了。（梁碧玲攝）

這次馬仔投資了教育中心他都不隱瞞數字，因為他說這些騙不了人：「我諗整體我都唔隱瞞，一定係過7位數字嘅投資，我覺得好值得，因為呢個係我會做長遠，絕對唔係你會見到我做三至五年冇咗影，大家都見到馬浚偉做嘅事好長時間。」

馬仔希望來報讀的學生知道清楚自己能不能做藝人。（梁碧玲攝）

馬仔透露除了忙教育事業，演藝事業也不能放棄，他說：「我6月舞台劇，跟住6月之後有我第二套電影開拍啦，下半年又有音樂會，跟住籌備唔同舞台劇，嚟近飲食節目之後又有教育節目，我好享受忙，非常之happy。」