陳凱琳再次回歸做主持 台慶講錯「粉身碎骨」成笑柄
撰文：洪曉璇
出版：更新：
陳凱琳2013年奪得港姐冠軍隨即入行。（VCG）
陳凱琳2013年奪得港姐冠軍隨即入行，全力向戲劇方面發展，主持工作寥寥可數。除咗初入行時主持過J2台節目《搵食飯團》，最為人熟悉嘅應該係2016年擔任《萬千星輝賀台慶》司儀，當時將其中一句台詞：「所以TVB每一個藝人都是奮不顧身。」「奮不顧身」講成「粉身碎骨」，成為網友笑柄。
陳凱琳入行後都以拍劇為主。（網上圖片）
陳凱琳將「奮不顧身」誤講成「粉身碎骨」，成為網民熱話。（網上截圖）
不過生咗兩個囝囝後，Grace可能有感拍戲太困身，呢日宣布重回主持行列。崔建邦喺IG貼出合照，宣布二人合作做主持：「休息咗一排，最新一輯《諸朋好友》繼續拍攝，今次我換咗個新嘅女拍檔，就係集美貌與智慧於一身嘅靚女陳凱琳，希望呢個組合可以為觀眾帶來全新嘅感覺！送上更多精彩嘅訪問！」
陳凱琳將取代張秀文，同崔建邦主持《諸朋好友》。（IG：@amigochoi）
+17