羅子溢暫停工作　休息數月準備湊女：打算同佢去主題公園影下相

羅子溢一直在內地工作，現時播出的《陀槍師姐2021》雖然他是主演之一，但一直未能回港宣傳，今天《陀槍師姐2021》舉行的「齊接金牛過肥年」的宣傳活動是他首次出席，子溢說：「我一直都有睇宣傳啲影片，都隔咗好耐冇返嚟，自從拍完《陀槍師姐2021》之後，所以前一晚都有打俾洪永城。」

子溢拍完《陀槍師姐2021》與洪永城做咗好好朋友。（梁碧玲攝）

子溢這次回港之後表示再工作多一段短時間便決定放一段長假期好好陪女兒，「我休息幾個月，可能年中後先新工作，依家湊下女。（好少聽你分享湊女經）其實我都唔係好叻，爸爸多數同個女玩多，因為好似話主題公園就開，打算去同佢影下相，雖然我知佢大個唔記得，但純粹係滿足父母心態。」

子溢指湊女方面外母最辛苦，因為早前和太太一起工作，所以將責任交給了外母。（梁碧玲攝）

現場子溢被問到會否連生貴子，他卻有點尷尬，在訪問時候說：「其實我隨緣，因為我之前生女個陣都抱住隨緣心態，大家都唔好咁勤力，舒服啲心態，之後個女就出世啦。」