譚俊彥被問入TVB即做男一被人抨擊 答案竟令Bob當場爆粗？
撰文：鄺鈺瑩
出版：更新：
譚俊彥笑言曾遭林盛斌批評，搞到Bob忍唔住爆粗。
朱敏瀚（Brian）加入TVB多年，由於過往經常飾演弟弟的角色，故有「御用細佬」之稱，直到近年他不斷操肌藉此建變戲路，去年終在《機場特警》、《反黑路人甲》成功演飾「細佬」以外嘅角色。喺最新一集《師父有請》預告中，朱敏瀚、張振朗任嘉賓，問到可曾受過閒言閒語，朱敏瀚表示：「剛入行時，有前輩走埋嚟同我講『我聽人講你好串，唔同人打招呼』，但我感覺係佢想直接同我講。」
張振朗有「地獄黑仔王」之稱，主演劇集經常被推遲播放，他在節目中坦言確係會有唔開心，但唔覺被拖累。
之後主持林盛斌（Bob)問譚俊彥，由佢2018年加入TVB開始就已經擔正男主角，可曾遭被批評，譚俊彥拎住紅酒杯，笑笑口表示：「你囉」，Bob聞言後失笑，並疑似爆粗「x你」，在旁嘅張振朗即掩口大笑，並謂「原來就係你」，Bob則傻笑否認「有鬼呀。」
+39