重溫90年代《翡翠歌星賀台慶》經典場面 梁朝偉、王菲零包袱演出
《翡翠歌星賀台慶》當年因歌曲版稅問題停辦,不過隨住曾志偉回歸,並與四大唱片公司重修舊好,全港歌手即將可以一齊賀台慶。《翡翠歌星賀台慶》呢個節目第一次出現在91年,並由譚詠麟同梅艷芳分別擔任男、女子組隊長,帶領住歌手比試歌、舞、演技,兩小時節目動員過百紅星。由91至09年期間,無綫總共辦過12次《翡翠歌星賀台慶》,締造不少經典埸面。
91年《翡翠歌星賀台慶》由鄭丹瑞擔任司儀、譚詠麟同梅艷芳分別擔任男、女子組隊長,其實淨係睇兩位隊長鬥咀已經好好笑。節目中,除有黎明RAP、周慧敏唱打油詩之外,Beyond四子亦難得與太極同台演出,而壓軸出場嘅係陳百強同葉倩文 。
點擊下圖睇91年《翡翠歌星賀台慶》經典場面
92年《翡翠歌星賀台慶》繼續由鄭丹瑞擔任司儀,並由劉德華、梅艷芳分別擔任男、女子組隊長。呢一年嘅台慶唔再係唱咁簡單,仲加入嬌俏貓女郎、引體上升唱歌、真漢子騷肌。即有性感長腿又有小鮮肉睇,繽紛!另外,張學友喺節目中,將《每天愛你一生》歌詞加入不同嘅動物名,變成賀台慶歌,相信連佢自己都未必記得曾經做過呢件事。
點擊下圖睇92年《翡翠歌星賀台慶》經典場面
93年嘅《翡翠歌星賀台慶》由電視城移師到紅館舉行,場面更為熱鬧。當晚除有王菲邊做sit-up邊唱歌之外 ,仲有男子隊代表之一嘅梁朝偉,同郭富城一邊唱歌一邊掌上壓,台下叫聲震耳欲聾。
點擊下圖睇93年《翡翠歌星賀台慶》經典場面
94年嘅《翡翠歌星賀台慶》雖然重返電城視舉行 ,但陣容並未因而縮減。當晚淨係安排緋聞男女金城武、楊采妮、吳奇隆、鄭秀文、許志安同台已經夠吸引。另有莫華倫、倫永亮、潘美辰等唱得之人演出。
點擊下圖睇94年《翡翠歌星賀台慶》經典場面
95年嘅《翡翠歌星賀台慶》由曾志偉做主持、陳百祥同梅艷芳擔任男、女子組隊長,雖然四大王天只得郭富城出席,但有鄭少秋大跳《狂野之城》、鄭秀文、彭羚唱粵曲、黃秋生拎起結他rock n roll……都好精彩架啦。
點擊下圖睇95年《翡翠歌星賀台慶》經典場面
96年嘅《翡翠歌星賀台慶》又再去返紅館舉行,並由劉倩怡主持、郭富城同薛家燕擔任男、女子組隊長。身為隊長嘅家燕媽媽一出場就以性感裝扮與男dancers勁跳熱舞,震撼了不少觀眾心靈。而前幾年仲肯邊食嘢邊唱歌嘅鄭秀文,呢一年已經只肯企定定表演,取而代之係由肥媽、鄭伊健、莫文蔚走鋼線……
點擊下圖睇96年《翡翠歌星賀台慶》經典場面
97年嘅《翡翠歌星賀台慶》適逢TVB 30周年,所以司儀有三位:鄭丹瑞、阮兆祥、李珊珊,男子組隊長由張學友、郭富城擔任,女子組由王 菲、彭 羚負責。之不過,當晚係演出環節唔算太精彩,就好似王菲已經唔會再邊sit-up邊唱歌。而呢一年嘅《翡翠歌星賀台慶》後,TVB一直到2015年先再次舉辦。