林峯梁競徽為邵氏新劇於內地開工　爆Seed木蝨合體打餐勁

41歲嘅林峯同太太張馨月早前被影到，為內地真人騷《妻子的浪漫旅行5》進行拍攝工作，仲有電影《尋秦記》開始宣傳工作，林峯原來仲為邵氏新劇開工，再同好拍檔梁競徽（原名梁烈唯）合作打到飛起。

2014年嘅《使徒行者》，林峯演嘅爆Seed同梁競徽飾演嘅木蝨，雖然一黑一白係卧底同古惑仔，但兄弟情深厚，木蝨死嗰一幕爆Seed喊得令人動容。微博有網友上載相片同片段，原來呢對好拍檔最近再次合作，為邵氏新劇《黑金風暴》於深圳開工拍攝，同劇仲有古明華、湯俊明等。流出片段中見到著上墨綠色外套嘅林峯拍對打戲相當熟練，另一段就見到佢同梁競徽ROLL機前傾計好開心，競徽亦有開直播話同林峯7年後再合體好開心。