後生仔傾吓偈｜馮盈盈自覺女藝人常被針對：做咩都好似有問題

最新一集《#後生仔傾吓偈》以「針對」為題，童星出身嘅林穎彤（Bella） 就話小學時，因為經常參與唔到課外活動，又或者與其他同學放學時間不同，所以好難識到到朋友，甚至被嚴重針對及杯葛：「佢哋喺雜誌或電視見到你，會話『以為自己好靚咩、好叻咩？』我係極度被同學針對，好慘，嗰時覺得。」

眾人之後提到網上針對，馮盈盈就有感而發表示：「女藝人一定被針對，做咩都好似有問題。」鄭衍峰即時附和，並謂有時想一笑置之，但又怕被高層睇到網民針對性留言而影響工作機會。節目中，陸浩明提到如果在節目中，如果感被同節目的主持針對，其實係好事，因為咁先有火花，馮盈盈似乎十分認同，仲話：「所以我哋呢行，如果幕前互相針對先有火花擦出，咁先有化學作用、先有效果，好睇。」咁佢同江嘉敏啲化學效果咪應該好多好多好？！

同場加映 :鄭衍峰情斷馮盈盈後IG突然流出「床照」：紀念我哋凍到語無倫次！