83歲模仿天王滿頭白髮　面色紅潤唱《激光中》甚為精神

83歲的盧海鵬，一直有扮嘢天王美譽，基本上扮乜似乜，搞笑形象深入民心，至今仍然無人可以取代。不過鵬哥年紀始終有番咁上下，身體狀況亦大不如前，曾經要以拐杖出入，雖然如此，但無阻他的扮嘢天賦，近日他在某公司的晚會表演，大唱羅文的經典金曲《激光中》，見他又唱又跳，而且中氣十足，粉絲見到鵬哥甚為精神，大感安慰。

鵬哥一直是扮嘢界的元祖，模仿任何巨星也是維妙維肖，甚至比起本尊更有吸引力，最經典莫過於模仿達明一派、羅文等，不過鵬哥自從2018年接受「通波仔」手術後，便減少幕前演出，閒時慢跑練氣，身體日漸回復健康，近日他登台表演的視頻曝光，穿上橙色外套及灰色長褲，唱著羅文金曲《激光中》，字字鏗鏘，中氣十足，而且仲有熟練舞步，現場氣氛熱烈，最重要是見到鵬哥身體健康，可以繼續跟大家見面，皆大歡喜。