馬天佑近日推出新歌《我們什麼都不是》，並預告將在5月推出新專輯《Nude》。為了宣傳新歌，他非常大陣仗，找來68個單位跟自己合唱拍片宣傳，表示：「68把香港樂壇不同年代的聲音，68 種曖昧不清的感情關係。」由於今次有多位久未露面，甚至是封咪多年的歌手都肯為他「出山」，網民都不禁讚歎馬天佑是「人緣天花板」，表示：「點樣搵返佢哋出嚟咁勁？」

至截稿一刻為止，馬天佑都持續出片中，未公開晒全部陣容，只公布了其中45個單位，當中不愧天王天后級人馬，如：蘇永康、蔡卓妍，亦有後起之秀如kayan9896、姚焯菲、曾比特等等，其中以盧巧音、連詩雅、吳業坤版本都有過萬Likes。不過最讓人驚喜的，相信都是多位千禧年代女神，其中有人已退出幕前多年，今次都肯捱義氣為馬天佑宣傳，大開金口。

當中蔣雅文、趙頌茹、鄭希怡、何嘉莉、黃依汶、張新悅及王秀琳（Mango），都是比較意想不到的單位，雖然她們在千禧年代都出過碟，不過已放下歌手身份多年，而且全部都保養得宜，幾乎冇老過！蔣雅文、鄭希怡、何嘉莉當年都是英皇力捧小花，難怪蔣雅文都搞笑留言：「英皇25周年群星演唱會」

黃伊汶一樣多年冇唱歌，今次露大長腿與馬天佑合唱，網民留言：「點解佢好似無老過咁既 😍」、「嘩、黃伊汶….竟然可以聽返佢唱歌」另外曾與天王郭富城傳緋聞的王秀琳，基本上只出過幾首歌，2002年之後就冇出歌，但今次都有在電話亭跟馬天佑合唱，仍然非常靚女，美貌超凍齡。她表示：「多謝馬友邀請超過十年無在螢幕前的我，鼓勵我一齊完成呢個作品！同埋好多謝你俾咗我好多好多信心我❤️❤️❤️首歌真係好好聽🥹同埋超級洗腦😝」網民紛紛表示：「因為呢首歌，見返好多好耐無見過嘅歌星。」並敲碗希望見到陳文媛、小雪、官恩娜、2R等其餘女神。