《上海灘》神預言利物浦負PSG？　網民讚周潤發醒丁力變「燈力」

歐聯16強其中一場焦點戰，利物浦主場迎戰巴黎聖日耳門（PSG），首回合利物浦贏1:0，回到主場自然被睇高一線，但最後被PSG在90分鐘內追和1:1，隨後加時雙方互無紀錄，最後PSG在互射十二碼中，射走利物浦，成功晉級。賽後音樂人梁栢堅在Thresds分享無綫經典劇集《上海灘》其中一段，45年前的劇情竟成真？難怪網民指發哥周潤發神預言。

音樂人梁栢堅在Thresds分享了一段《上海灘》劇情，並寫上：「法租界丁力竟然唔買巴黎PSG…… 自始之後改名燈力」。片中飾演丁力的呂良偉，向飾演許文強的周潤發說：「文哥，一世人兩兄弟，帶挈埋你呀，利物浦贏梗㗎，可以瞓曬成個身落去。」發哥想了想後，賭神上身勸喻對方說：「力，賭少啲。」不少網民指發哥果然是賭神，神預言：「都係發哥醒」、「發哥：阿力，若要生活好，勿買利物浦」；當中更有網民引用《賭俠2之上海灘賭聖》中川島芳子的金句：「我要殺死丁力呢個X街」，令人哭笑不得。