姜濤同熊貓爭食竹葉表情一言難盡　IAN陳卓賢睇到呆咗

港產大熊貓「家姐」、「細佬」自出世以來，可愛模樣圈粉無數，男團MIRROR成員姜濤及Ian陳卓賢成為其「契爸」，近日孖住到海洋公園探望兼開直播，期間姜濤竟即席親嚐熊貓至愛的竹葉，令人嘩然。

姜濤與陳卓賢隔住玻璃與契仔契女互動，見到熊貓們食竹葉食得津津有味，出名為食的姜濤竟主動向工作人員要求試食：「搞到我都好想試吓係咪真係咁好食？我可唔可以試一塊，睇到感覺真係好正，第一次覺得蔬菜係咁好食。」

工作人員火速遞上竹子，姜濤笑言：「真係有㗎！我喺度食竹又上新聞㗎啦喎，人係咪真係食得㗎 ？我見佢（熊貓）嗰啲好有水份，我呢啲咁乾嘅？」工作人員亦即截停姜濤，表示他手上的竹子是隔夜的，要拿新鮮的給他試，就連主持都表示：「估唔到呢個live可以睇到姜濤食竹。」咬完幾啖姜濤皺起眉笑言：「好澀呀。」又問陳卓賢要否一起試食，陳卓賢耍手擰頭指：「我今朝食咗粥啦，瘦肉粥。」