菊梓喬（Hana）近年忙於在內地開騷，同時亦與吳保錡戀得火熱，未知是不是「幸福肥」，Hana透露自己近月不停被指「好肥」。她最近在社交平台貼出一段於健身房自拍的短片，大呻：「最近呢幾個月見到我啲人都話：『你好肥好肥做咩肥咗咁多』，其實我係咪真係好肥？但其實我唔覺得自己好肥，只係年紀有番咁上下真係會有少少中女嘅感覺，上下左右收埋少少鬼祟肉。」

雖然望落其實一點也不肥，不過Hana表示夏天將至，自己都不敢偷懶，她說：「努力做番啲運動，可以唔好成日着鬆身衫，今年夏天目標係可以着小背心，我教練話最緊要係身體健康，肥瘦唔緊要，最緊要有肌肉，新陳代謝就會變得好，個樣又後生啲，病痛都少啲啦！」很多人都留言安慰她不肥，但亦支持她成為更好的自己，而吳保錡都有留言冧女友：「Fit 🔥」