「性感女神」樂宜（Lokyii）早年因擔任模特兒而為人熟識，後來她轉型做夜場DJ後更大受歡迎。除了幕前工作，她也相當「識做」，經常在Instagram上分享性感照或泳衣照，幾乎是全年無休，日日都有新花款，所以多年以來都有相當多粉絲，IG已有超過51萬追蹤人數。

兩三年前她開始在身上紋身，無論是大髀位、手臀、屁股位都有面積頗大又明顯的紋身。雖說紋身是個人自由，但始終有部份網民對其反感，也曾有一些「唔知點解佢要紋身，好污糟」之類的討論。

原來最近樂宜將頸上花環型的紋身洗走了。她接受《香港01》訪問時表示，洗走紋身並非因為網民的言論，也不是因為男朋友反對，而是因為一次恐怖經歷。她說：「係有時一個人出街戴咗口罩都好易認得。平時都冇嘢嘅，只係試過搭的士都俾司機認得，然後佢都同我講成日睇我啲泳衣相，仲問我拎電話，所以覺得驚啫。頸位太明顯啦，好易認得。雖然我好鍾意，但紋完3個月後就開始洗，而家洗淨少少印。」