《中年好聲音3》決賽《中年好聲音3登峯之戰》於今晚（11/5）圓滿落幕，黃博大熱奪得冠軍，張與辰獲亞軍，而劉洋獲季軍。

賽後黃博、張與辰和劉洋與家人接受許文軒的後台訪談。張與辰的媽媽感動得流淚，坦言張與辰完成了她的夢想：「呢個係我最好嘅母親節禮物。」張與辰牽着媽媽的手也一同落淚。他說：「唔得㗎，睇到阿媽喊嘅話，自己唔喊會俾雷劈，哈哈哈。其實一路以嚟都令阿媽好擔心，因為做音樂真係唔易，離開咗自己家鄉去台北生活12年，其實令屋企人好擔心。」

他續說：「我係報喜不報憂，所以佢哋睇到啲報道之後，先知個仔原來過得咁辛苦，但係今次帶媽咪嚟，可以畀佢睇到我離開咗馬來西亞，離開咗佢身邊咁多年，究竟做咗乜嘢，係好開心。」