金牌司儀自爆同球星朗拿度同級數好老友　真相係活動同框一味靠黐

由譚詠麟揸旗的明星足球隊分家，阿叻陳百祥另組「精裝明星足球隊」，惹來二人不和傳聞，其實講到尾都係一個「錢」字，近年村超興起，除了踢波、商演外，甚至有大品牌邀請合作，近日阿叻出席啤酒品牌活動，仲同國際級球星朗拿度同框，二人有傾有講，言談甚歡，阿叻當然不少得拍片認叻，自稱跟對方同級數。

近日阿叻出席啤酒品牌活動，主辦方更邀請到國際級球星朗拿度，雖然對方退役多年，身材又肥了幾個碼，但無阻其球星風采，照樣人氣高企。阿叻全程黐實朗拿度，又握手又擊掌，少不免拍片兼認叻，自稱跟朗拿度同樣級數，網民則笑他跟朗拿度撞樣，十足親兄弟。至於梁競徽就黐實阿叻，跟出跟入，仿如阿叻的小跟班，多年來在內地搵食，早已練就一身本領，做到「你不尷尬，尷尬的就是別人」。