陳展鵬今日出席TVB內聯外通新篇章大灣區影視華采發布會，提到單文柔早前在社交網貼出她突然眼睛發炎、臉部腫脹及頸部腫痛的照片，對此陳展鵬表示：「佢係免疫力下降，佢想同大家分享下呢個經歷，其實係有少少先兆，我同佢都未試過，嗰時我哋同小豬比一齊去旅遊，由香港去澳門、珠海、中山、廣州，喺旅遊期間病發，影咗相返嚟問家庭醫生。」

陳展鵬續說：「醫生話係過濾性病毒，原來我老婆人緣好好，佢post咗出嚟之後，有好多朋友關心佢，我啲朋友好少聯絡嘅都嚟問我佢點。」問到他老婆是否因為忙於照顧家庭？陳展鵬說：「個個家庭都會有好多嘢忙，我哋依家又要轉型，要做social media，需要適應，成日睇電腦要保護對眼。（你會唔會幫手帶個女去放電？）呢樣日日要做，最緊要係身邊人要明白同體諒，發洩下又好，氹下對方又好。」他指老婆現已康復：「依家靚過之前添。」