「TVB 咪神」黃婧靈（波波）今晚（13/6）現身將軍澳電視城出席《一齊企硬.唔Take嘢》節目錄影。對於近年工作量減少，面對僧多粥少困難局面，波波接受《香港01》訪問時表示：「其實收入嚟講，就睇你自己點睇，多與少都係觀點與角度。不過就唔會話冇壓力，因為壓力就唔只得單一方面，壓力會源於唔同嘅方面。」

波波又指現時經濟大環境差，希望大家能夠正面去面對：「其實我都希望大家能夠捱過呢段時間，無論飲食業，演藝界又或者各行各業，都想同大家講聲加油。（使唔使俾家用屋企？）其實屋企人都好錫我，佢哋就冇俾壓力我，佢哋都係講心意。」