歐鎮灝（George）與許寶恆（Alice）今午出席電訊公司活動，問到會否搵AI 幫手提升自己的問答技巧，歐鎮灝即笑笑口表示：「唔使，秋生哥教咗，佢勁過AI。」許寶恆表示都有一同欣賞歐鎮灝「睇開波多野結衣」的訪問片段，並指他向來心直口快。歐鎮灝透露之後應該會繼續為新戲謝票，又期待挖坑畀秋生踩。

歐鎮灝在活動上表示會靠AI計劃行程 ，他解釋是因為年底有意與家人到日本旅行，問到是否「全包」，他搞笑表示：「我想，但over budget的話，希望媽媽貼少少，因為佢比我有錢，預5位數左右。」講到錢，Alice爆早前P1X3L 5G食飯，原先由歐鎮灝埋單，但最後變成AA制，他解釋：「我請，但我無出糧，公司未出糧嘛。」

許寶恆日前分享家中貓貓飛撲曱甴片段，她強調自己的睡房十分乾淨，歐鎮灝聽完即謂「真係好乾淨，我都去過。」而即起哄動，他解釋是拍節目。問到會否想搵個識捉曱甴的男朋友，許寶恆即問歐鎮灝：「你驚唔驚曱甴？」歐鎮灝隨即叫她不要表白，又話自己怕曱甴，極速落閘。