張馳豪和林智樂今日（06/7）出席《星光熠熠耀保良》記者會，兩人接受《香港01》訪問時，均表示會在籌款節目中表演唱歌跳舞。訪問中談起戀綜節目《女神配對計劃》，林智樂表示睇到好「肉緊」，而張馳豪則回答，如果有喜歡的女生參加的話，可能會舉手做「求愛勇者」！

林智樂：「會好戥佢哋緊張，我好想做坐喺房入面嘅花生團睇佢哋。（戥邊個緊張？）梗係GM曾展望啦，咁多對手，同埋俾好多人講又同一時間俾好多人讚，到尾葉蒨文會揀邊個呢？我覺得佢都會揀GM嘅。」

話峰一轉，林智樂就表示張馳豪應該去參加，而不是坐在電視機前「食花生」。張馳豪就說：「我講嘢唔叻呀。我驚去到節目，講嘢都唔超過5句，監製就會叫我講多啲嘢，唔自在呀。」如果有心儀女性參加節目，張馳豪又會不會舉手做「求愛勇者」？他回答：「可能會㗎，不過要諗吓。我未知會唔會想公開一段戀情，追唔追到都係一個問題，但係都會試吓。」訪問中，張馳豪也透露，以前曾經為女朋友親手寫了一首歌和情信，他更大爆，自己屬於被動型，在感情中不會太進取。