今日於馬鞍山一商場舉辦 MUZIK TIGER「灘住放暑假」開幕禮，邀請到MUZIK TIGER一眾角色出席之外，更邀得以一身夏日陽光打扮現身的人氣女團COLLAR成員許軼（Day）擔任主禮嘉賓，為活動揭幕。Day除了與現場觀眾粉絲互動玩遊戲之外，更獻唱大熱歌曲《Wait A Second》，以充滿活力的勁歌熱舞為仲夏注入更強力量，與海邊造型的主題背景非常匹配。活動期間，Day更大爆早前已完成新歌MV拍攝，並將於下星期正式推出，敬請粉絲密切期待及支持！

曾於韓國接受偶像訓練的Day表示MUZIK TIGER勾起她不少難忘暖心回憶：「我喺韓國受訓嘅日子，雖然係為自己嘅演藝夢想奮鬥，但嗰時又要練習又要兼顧學業，都真係幾辛苦。我記得嗰時一有時間就會去弘大，就係去睇吓啲文創嘢。韓國嘅文創作品好多都好靚，同埋好治癒心靈，我見到佢哋就好似放鬆返啲，個心暖返，有力量再去繼續挑戰，做得更好。」