李龍基未婚妻王青霞去年因為虛假陳述、使用虛假文書等罪行而被判入獄25個月。扣減假期後今日（7日）刑滿出獄，但她就被遞解出境，不可繼續留在香港境內。刑滿出獄後的王青霞今日2點左右到達深圳灣口岸返回內地，而未婚夫李龍基一早已經拿著60枝粉紅色玫瑰花等待王青霞，李龍基更激動到在入境大廳大聲呼喊「老婆」！

李龍基回覆《香港01》表示感謝各界的關心：「今日終於接到我老婆出嚟啦，已經十幾個月嘅時間！年幾啦！呢段時間大家都難捱，我同她都難捱嘅，依家很開心，真係嘅，可以一齊生活啦。」

李龍基更表示王青霞回歸自由後，會第一時間去做的事情就是註冊結婚：「我哋會盡快去註冊結婚，到時候就有個全新嘅生活啦。我哋希望前面嘅路都係光光明明同平平坦坦，喺呢度再一次多謝各位對我哋嘅關心。」