現年38歲的洪卓立（Ken）於2006年參加英皇新秀歌唱大賽奪得亞軍後入行，當年因1米8的身高及白淨靚仔樣，被封千禧花美男。他憑一首《彌敦道》爆紅，風頭一時無兩。可惜翌年因爆肺兼肺積水，被迫停工休息近兩年，更多次被網民誤傳死訊。感情方面，洪卓立與湯怡分手後，再戀「翻版薛凱琪」劉沛蘅（Hillary），可惜僅年半就分手。洪卓立日前突然甜曬與神秘女睇海照，莫非官宣戀情？

洪卓立分享睇海照，相中一名神秘長髮女背向睇海，洪卓立又曬出腳相，不見有其他人，相當有可疑！洪卓立發文：「很久沒有錄cover 還是沒錄過？都忘記了 來猜猜是甚麼歌」。分手後的洪卓立近來狂與32歲英皇性感女歌手許靖韻（Angelababy）傳緋聞，兩人頻頻一起出歌，若是炒作亦不意外。有網民認為相中女子不似許靖韻，亦有人被洪卓立嚇親，「以為你官宣新女朋友添」。