香港AV女優Kinki(嘉慧）今日（14/7）現身尖沙咀出席寫真集發佈會。Kinki接受《香港01》訪問時表示：「今次係我第一次出寫真集，而且我係影全裸，變咗我係用咗好多心思去選擇唔同嘅服飾，例如選擇咗網狀，而且透明嘅服飾，呈現出勒肉嘅感覺。」

Kinki加入AV女優行列短短一季時間，經已有4部作品上架：「其實點解我會選擇做AV女優，係因為我以前成日會諗自己會唔會做主角，而家有得做咪去試吓。（屋企人知唔知？）爸爸過咗身，媽咪佢而家喺台灣係唔知，其實本身我唔係好想佢知道。（片酬多少？）唔多，5位數。（拍AV有冇底線？）唔玩肛交，同埋屎尿SM。不過如果要我虐待人就可以。（對性有需要先入行?）我係對性有要求，其實我拍咁多次拖，喺性方面都係滿足唔到我，每次進行都覺得痛，變咗喺我感情生活喺性一直都唔愉快。到我入咗行之後，我係遇到好嘅對手，就算現場好多人睇住搞，我係可以目中冇人咁去做，過程我係好享受。」