健美女神李彧秀（Sausau)今日（14/7）現身尖沙咀出席寫真集發佈會。Sausau接受《香港01》訪問時表示：「今次係我第三本嘅寫真集，而取景嘅地方就係喺南丫島，拍攝嘅角度係我哋一齊出去玩，由出面除晒入屋咁，而性感尺度係比上一本書更性感，啲衫係會好透，拍攝嘅時候我都有啲怕醜。」

Sausau擁有出眾身材，坦言出街難免受到注目：「因為好多時都要教人健身，大部分時間都係會著緊身衫同瑜伽褲，變咗係會有啲性感。試過有次有個男人佢扮講電話偷影我嘅時候，唔記得熄燈光，俾我發現咗，全場啲人係知佢偷影我，佢係好尷尬。同埋試過行行吓街，迎面有個男人行埋我度，用手踭批我個胸，嗰吓係好快，到你反應過來嘅時候，佢已經走咗。不過慶幸唔係經常發生，可能同我健身有關。」