38歲的馬貫東，近日在《俠醫》的演出，讓人眼前一亮。其實他入行多年，曾於2023年奪得「飛躍進步男藝員」，可惜近年拍劇買少見少，而他亦為了未來鋪路，近日他學習寵物美容，連視后佘詩曼都帶愛犬Gaga搵他剪毛扮靚，之後又到《愛．回家》的好兄弟，帶埋「啤啤」上門美容，想不到之後狗狗舒服到瀨屎，十分搞笑。

近日馬貫東幫阿佘的狗狗做寵物美容，不止剪毛時手勢純熟，對狗狗亦十分溫柔有愛，影片在網上瘋傳，相信他真正晉身寵物美容行業，肯定有大把明星客人捧場。之後馬貫東又幫《愛．回家》時期的好兄弟周嘉洛愛犬「棚棚」，採耳、剪毛、沖涼，而「棚棚」就是劇中的熊家第一代「啤啤」，馬貫東大讚「好耐冇見嘅棚棚，依然保持住俊朗嘅外型，健碩嘅身形」，仲忍唔住錫了「棚棚」，畫面治癒，不過太舒服的「棚棚」，轉頭已在車座上「瀨屎」，網民除了笑爆肚外，紛紛留言指狗狗糞便形狀，睇落相當健康。