王智騫（Martin）與范麒智（Kenji）近年人氣高企，兩人由綜藝節目《甜酸苦辣鮮》結緣成為好友，意外引爆「粉紅泡泡」，繼而一同到台灣同居生活兼拍BL劇《靈魂約定》。今次《01娛樂》訪問決定叫他們玩「快問快答」，互爆同居秘聞及拍攝尷尬趣事，盡顯默契及深厚感情！
服裝： @ferragamo （Martin、Kenji）
形象：Dom Cheung @justdom_____
化妝：Sakura Chow @sakura.c_official（Martin）、Agnes Yeung @agnesypw（Kenji）
髮型：AL Leung @allhs__（Martin）、 Oscar Shek @oscarshekhair（Kenji）

同居心動時刻　Kenji秒答：佢舉手話洗碗掉垃圾

兩人相識3、4年，又有同居經驗，對彼此生活習慣瞭如指掌，想不到就連底褲都同色同款同尺碼！被問到「認識以來最令你心動的時刻」，Kenji二話不說回答：「就係當我哋一齊住，佢舉手話我洗碗掉垃圾嗰時！」雖然洗碗多數由Kenji負責，但他就解釋：「有時我攰，你會話『等我嚟啦』，又會煮嘢畀我食嘅。」足見兩人同居時的絕佳默契，打破「相見好，同住難」定律，更表示希望有機會可以一齊再去多幾次旅行。

Kenji大讚Martin最大優點：對奶

談及對方最大的優點，Kenji抵死大讚：「『對奶』囉！，身材好都係優點，最大嘅賣點，最大嘅睇頭。」不過他續說身材真正優點其實是背後的自律：「佢係一個好自律嘅人，成日自己去做Gym，有時就算好大雨都會去做Gym跑步，佢有呢個心態，所以最大優點係自律。」

Kenji被爆手汗太多　一摸觸以抹走Martin妝容

兩人亦互爆秘密，Martin直言Kenji手汗超多！Kenji尷尬謂：「前一排我哋喺台灣拍綜藝做宣傳，我好習慣性，好鍾意擺隻手喺佢條……（條褲度！）因為我係一個比較手汗多嘅人，拍拍下佢突然話『喂，等等先，你可唔可以攞開隻手？』我問做咩，佢話『你整濕咗我條褲呀！』」Martin更慘情表示：「成條褲濕咗一撻！」Kenji笑言牛仔褲上有手掌印，連主持都嚇親，之後要求與Kenji握手，殊不知握完後即驚訝表示：「嘩！洗手呀？」而Martin更大呻，有時若有撫摸臉頰的鏡頭，Kenji的手汗多到可以一下子將他的妝抹走！

激咀戲零浪漫　Martin投訴：佢個嘴乾到似磨砂！

提到在《靈魂約定》中的BL戲份，兩人有激烈的床上嘴戲，當講到首次接吻的感受，Martin叫大家千萬別以為會很浪漫，他大爆：「但係第一場，因為佢有陣時，可能天氣問題…佢嘴唇比較乾，第一場錫落去係好乾！磨砂咁！係直情導演都話『CUT』，我哋以為咩事，『好乾呀！搽潤唇膏！』」Kenji委屈表示因為當時是台北最凍一日，自己嘴唇凍到發紫，吸收經驗後，Martin說之後每次拍咀戲都會厚敷潤唇膏，再用嘴印到Kenji的唇上。

情緒激動戲　Kenji滴鼻涕驚變「尹天仇」

而全劇最難演的一場戲，莫過於一場爆喊戲，Kenji分享當時情緒太激動，導致鼻涕不慎流出，整個情境猶如《喜劇之王》中「尹天仇」周星馳與「杜娟兒」莫文蔚的名場面，Martin在旁立即「投訴」：「周星馳都冇滴落張栢芝（編按：應為莫文蔚）度，但佢滴咗落王智騫度！我個心係咁喺度諗，導演你幾時肯CUT機？我想抹一抹！」Kenji尷尬表示很不好意思，但基於「導演一日未嗌Cut， 一日都要演落去！」所以只好頂硬上。只看文字訪問相信很難想像這個畫面，Kenji與Martin特地再親身重演一次，想睇這一幕以及更多二人「相愛相殺」般的爆笑互動，請立即睇片！

按下圖睇更多王智騫、范麒智專訪靚相：