藝人香胤宅（Lyman）、Lolly Talk的Sinnie及J.Arie今日（30日）出席「香港音樂劇節2026」發布會，為音樂劇《愛登事家庭》作宣傳。而早前傳出「財困」的Lolly Talk，Sinnie亦為此首作回應。

Lolly Talk早前傳出因幕後金主「閂水喉」，以致面對財困的情況，更指已經半年沒出糧，更甚的是Lolly Talk 8位成員每人倒欠公司20萬。Sinnie接受傳媒訪問時表示上月有出糧，但今個月因為未到出糧的日子，所以就未知：「其實有出糧嘅，之前有講話咩欠債嗰啲，其實如果出到糧就已經唔係欠債嘅。」

被問到是否每個成員都各自欠公司錢時，她稱沒欠公司錢：「應該就冇，如果爭嘅話佢仲出糧畀我，咁我咪好荀！所以喺呢方面應該就冇事嘅。」至於解散方面，她笑指之前一直都有掛在咀邊，亦只是開玩笑的說，但是如果她們並沒有再說的時候：「到有一日我哋唔將呢樣嘢排喺口邊嘅時候，可能就係有啲現實嘅嘢會發生。」Sinnie坦言事件爆出後，其他7位成員心情都有受到影響，但無阻明晚的演出。