蔡少芬參選1991年香港小姐競選勇奪季軍入行，曾拍攝《金牙大狀》、《天地豪情》、《異度凶情》及《壹號皇庭V》等多套經典劇集。2010年她轉戰內地，多年來觀眾緣不減，吸金力節節上升。蔡少芬投資房地產多年，除了香港元朗多棟物業外，分別在北京、上海以及老公張晉故鄉重慶都持有房產，獲封「娛圈樓后」。近日她現身保險公司講座擔任嘉賓，自爆穩握家中財政大權，更分享個人投資之道。

蔡少芬在講座上提到：「屋企我係屬於處理金錢嗰個，我老公啲錢全部喺我手上。」蔡少芬指會將收入分成三份，她說：「我有一筆錢係用嚟日常開支，另一筆錢係用嚟做救命錢，仲有一筆係用嚟做投資。投資我永遠擺得最大嚿，俾我有好多Income（收入）返，咁我就會有好多安全感。」蔡少芬亦指現開始將金錢觀傳承給小朋友。

蔡少芬多年來累積不少資產。2015年時，蔡少芬以2600萬港元購入元朗爾巒一棟獨立屋，去年又趁低入市，豪花約4400萬港元入手同區另一獨立屋，面積超過2500平方呎，且附有花園、天台及私人泳池，享受豪宅生活。