戴祖儀今晚在台慶紅地毯上，一改「男仔頭」形象，以一條激罕貼身連身裙上陣，將S形曲線展露無遺，性感非常！

戴祖儀接受《香港01》訪問時，透露這條「戰裙」是Sponsor，大讚店員眼光好，幫她揀選了一條非常Fit的裙。不過，正因為條裙低胸又開衩，戴祖儀坦言著上身也覺得有啲「危險」，所以記者要求她轉圈騷下個Look時都很緊張，「大家又叫我唔好笑，又叫我唔好跳，所以呢晚我主打一個文靜路線。」戴祖儀又笑指因自己平時給人感覺太「男仔頭」，所以這身打扮令不少人都很驚訝。

見到戴祖儀身形Fit了不少，她笑指是「無心插柳」，因為最近同時兼顧拍劇同節目，比較忙，連食慾都變差，自自然然地瘦了。笑問今次忽然轉行性感路線，男同事又受唔受落呢？戴祖儀無奈表示，「你見唔見到佢哋嘅反應，絕對冇嗰種『wow~』咁樣！佢哋係喺度笑。」

戴祖儀強調已經做足防走光措施：「該黐嘅都黐實晒！大家如果見到有啲陰影，絕對係陰影，絕對冇走光！」