HOY TV主持黃靜藍兩年前與拍拖五年的男星李日朗分手收場。雖然這段感情未能開花結果，但女方在回復單身後桃花運極旺，火速公布新戀情，對象更是坐擁飲食王國的才俊Wilson。兩人在2024年底宣布求婚成功，隨即傳來雙喜臨門的好消息，二人的愛情結晶品女兒「Baby Sienna」已於去年8月平安出世。在誕女半年後，修身成功的黃靜藍近日補辦婚禮，出嫁場面極盡奢華。極速開工的她日前為HOY TV賀年節目《開飯啦》錄影，提到婚禮，黃靜藍笑言抖足3日才回到氣。

提到被指嫁入豪門，黃靜藍回應指：「豪門？唔係嘅，一個比較富裕啲嘅家庭，但又冇去到咁誇張，唔係唔係。我覺得嫁入乜嘢家庭都好，要做好自己嘅工作，咁我又唔係要好依靠男家嗰邊，自己都係財政獨立、工作獨立。（同Shirley比呢？）Shirley勁好多，唔可以咁比唔可以咁比。」黃靜藍又透露計劃再追B。

據知情人士透露，黃靜藍的老公Wilson背景殊不簡單。他畢業於英國倫敦國王學院法學系，屬高學歷精英，早年曾成立印刷公司，其後陸續開辦三間公司，現時更坐擁龐大的飲食王國，身家相當豐厚，絕對是圈中的「鑽石級筍盤」。