人氣女團COLLAR成員Candy(王家晴）和lvy So(蘇雅琳）昨（6日）出席《Cantopop321慈善演唱會》宣傳活動，吸引不少粉絲捧場支持，而她們亦相當識做，不時向粉絲們擺出可愛Pose ，令現場歡呼聲不斷。

Candy期待同導師許廷鏗合作

而在接受媒體訪問時，問到屆時在慈善演唱會上將會與曾在《全民造星4》擔任過的導師的許廷鏗合作，會不會勾起過往許多回憶？Candy表示：「好期待，因為真係有好多回憶嘅。」而許廷鏗在受訪時就揚言想與她們一起合作唱跳，對此，lvy說：「準備好㗎啦！」只不怕對方會臨時卻步。

lvy指弟弟有興趣入行

另外，講到見到師弟ZPOT時的感覺，lvy就表示：「我覺得佢哋成熟咗好多，今日出嚟都好sharp醒。」續提到弟弟外型出眾，問到會不會叫對方參加選秀比賽時，她揚言：「我有啊！不過細佬話好緊張，所以就冇參加到今屆《造星6》，睇吓會唔會有下一屆，驚下一屆又未必做男仔。（佢都想入行？）佢有興趣㗎，所以想佢post多啲相或者做吓Model先。」