馬貫東入行20年，憑《破毒強人》杜飛一角奪得飛躍進步男藝員，事業穩步上揚之餘，早前已接觸寵物美容，早於入行前已有興趣。 他曾對寵物過敏，直至遇上愛貓「肥波」後克服問題，如今家中養有4隻貓，視養貓為適合演員生活方式。 過去一年，他開始經營寵物美容中心，為圈中好友如佘詩曼、陳煒、郭晉安、周嘉洛及鄧凱文的愛寵提供沖涼、剪毛服務，柴犬Nala等星級毛孩均光顧過。

剪毛被狗咬

馬貫東今日（13/2）現身銅鑼灣出席無綫劇集《臥底嬌娃》宣傳造勢活動，接受《香港01》訪問時表示：「其實基本上我唔使返 TVB我都會喺寵物店，由朝到晚都喺店舖，認真係會攰嘅，但因為自己鍾意，所以都Ok嘅。不過剪毛過程總會試過被狗咬過，都都係冇乜大礙。」

否認鋪後路

被問到會否開分店？馬貫東表示：「有諗過嘅，不過都要睇返遲啲個大環境係點樣先。（而家做錢賺？）都Ok嘅，都開心嘅。（開店為將來鋪路？）唔關事純粹我自己中意寵物，而我又想幫我自己啲貓貓去做吓美容，跟住又想幫吓啲流浪貓貓狗狗。」