TVB節目《東張西望》昨日（22日）一集講到上月曾報道過的「裝修工人鑿穿下層天花事件」，屯門一私人單位業主C小姐表示家中洗手間的天花被樓上鑿穿，該洞更有一尺乘一尺般大。C小姐與樓上商量解決辦法時更鬧至不歡而散，屋宇署亦有向樓上單位發出命令要求恢復原狀，個半月已經過去，「東張」再跟進情況。

用塊木板擋住個天花得幾條鐵絲吊住

C小姐提供的片段中可以見到裝修工人表示：「有啲鐵絲就綁住四條木條，綁住晒，實晒㗎啦。」C小姐：「佢哋依家淨係用塊木板擋住個天花，淨係話係臨時保護措施，我其實每日都心驚膽顫。」因為樓上有動靜都會令到C小姐很擔心。裝修師傅表示現在用鐵絲綁著四條木條不安全：「單單靠呢幾條鐵絲梗係唔理想啦，由於加重咗樓板嘅負荷，萬一樓上樓板倒塌嘅話，就會連埋木板一齊塌落嚟。」看到如此輕率的吊著木板，認真恐怖。